Fermandarîya YBŞyî derheqê hêrişê ke Hemserekê Konseya Rayberdişî yê Îdareyê Xoserî yê Şingalî Merwan Bedelî şehîd bi de eşkerayîye daye û nê vatî:

''Hemrayê ma Merwan Bedelo ke serkêşanê şarê ma ra yew bi  7ê kanûne de hetê dewleta tirke ra bi hedefgirewtişî ame şehîdkerdene. No hêriş pê hemparîya MÎT-Parastin û hemkaranê înan ê xayînan ame organîzekerdene.  Hetê bînî ra ewo ra tepiya qewimîyayîşan ra ma berpirsîyar nîyê. Cunke semedê ma DAÎŞ, MÎT û Parastin yew ê. Vera înan do têkoşînê ma dewam bikero. Vanê qey ma pê nê hêrişan peyser game erzenê. Ma do heta serkewtişî qerardar têkoşîn bikerê. Senî ke ma DAÎŞ bin fîna ma do de MÎT-Parastin û hemkaranê înan zî rê bidê vînkerdene. Dişmen wazeno pê nê hêrişan şarê ma statuyî ra mehrum verdo. Ma do rêçê şehîdanê xo de têkoşîn bikerê û plananê dişmenî pûç vejê.

Ganî şarê ma vera nê hêrişan hîşyar bo. Wa hole bêro zanayene ke Parastin senî ke xizmetê MÎTî  bikero, têgêreno. Ganî şarê ma destûr medo nê hêzî Başûrê Kurdîstanî de rehet falîyet reyra berê. Çunke nê hêzî wazenî DAÎŞî newe ra ganî bikerê û biverdê şarê ma. Ganî şar vera na xayînîye û hemkarîye wirzo payan ser. Na berpirsîyarîya tarîxî ya. Ganî şarê ma pîya bi YPŞ û Meclîsê Xoserî yê Şingalî têkoşîn bikero.  No hêriş têna vera êzidîyan, şarê Şingalî û şarê Başûrê Kurdîstanî nê eynî wextî de gamê îşxalkerdişê Iraqî yê. Coka ganî Hukmetê Fedaralî û Iraq vera nê hêrişan bêveng memanê.  Ma sey YPŞyî  tim vanê ma semedê pawitişî Iraqî paştî danê hêzanê ci. Ma semedê statuyê Şingalî bi desan şehîdî dayî. Ma do têkoşînê şehîdanê xo pîlêr bikerê. Ma vînenê ke PDK herinda qehremankî şerkerdişî de xayînîye keno. Ma do vera xeta ci ya hemkarî û xîyanetî têkoşîn bikerê.  Wa şarê ma domananê xo nînan ra bipawo. 2014 ra nata hêrişanê DAÎŞ, dewleta tirke û PDKyî de 409 embazê ma şehîd bîyî. Ma soz danê şar û şehîdanê xo ke ma do têkoşînê xo bi serkewtişî tacîdar bikerê.''