Şerwanan û fermandaranê Yewinanê Xoverdayîşê Şingalî (YBŞ) û Yewinanê Cinîyan ê Şingalî (YJŞ) bi wesîleya serrgêra 8. ya Fermanê 3ê Tebaxa 2014î û şehîdanê tebaxe Şehîdgehê Şehîd Dilgêş û Şehîd Berxwedanî de merasîmêk kerd. Şexsê Mam Zekî, Seîd Hesen û şehîdanê Sikênîyê de şehîdê Şingalî ameyî yadkerdene.

Merasîm de Fermandarê YBŞyî Tîrêj Şengalîyî qisey kerd û vat: ''Şarê Şingalî deyndarê şehîdan o. Qirkerdişê Tilizêrî yê 2007î, Fermanê 3ê Tebaxa 2014î, şehadetê Mam Zekîyî yê 15ê tebaxe, şehadetê Fermandarê YBŞyî Seîd Hesenî yê 16ê tebaxa 2021î, Qirkerdişê Nêweşxaneyê Sikênî yê 17ê Tebaxe; nê pêro serebûtê dejînî yê û qetî nênê vîrakerdene. Pêro şehadetî ma rê ferman ê.

Komelê êzidîyan sey verê Fermanê 3ê Tebaxa 2014î nîyo. Sey êzidîyan serranê peyênan de ma raştê xeylêk hêrişan yenê. Ma do vera nê hêrişan qetî apey gamêke nêerzê.  Seba pawitişê şarê ma çi hewce yo ma do bikerê.  Çunke ma ra her yew/e namzetê/a şehîdan o/a.''

Qiseykerdişî ra dima merasîm pê sloganê 'Biciwîyo Serek Apo' û selamdayîşê goranê şehîdan qedîya.