Koordînasyonê YPS-YPS JIN derheqê şehîdanê xoverdayîşê xoîdarkerdişî yê Sûrî de, înan ke binê fermanê Şehîd Çîyager Hêvî (Cîhad Turkan) de xoverdayîşo tarîxî da, eşkerayîya nuştekîye daye. Eşkerayîye de nê ameyî vatene:

''Şehîd Çîyager Hêvî 1982 de Êlih de ame dinya, bado ke xebatanê ciwanîye de aktîf ca girewt 2004 de tewrê sefanê gerîlayan bi. 2011 de  semedê qesasgirewtişê şehîdan û azadîya fîzîkîye ya Rayberê Şarê Kurdî Abdullah Ocalanî verê xo da Amedî. Raporanê xo yê Amedî tim vat ke o semedê Şerê Şarê Şorişgerî haziro ke heme wezîfeyan bîgêro xo ser.

Roja ke semedê xopawitişî û desfînayîş azadîye bajaran de çarçeweya Şerê Şarê Şorişgêrî gama verên a prosesî ameye eştene, bêteredutî cade bi coşî kewt rayîr. Şehîd Çîyager û grûbêka embazanê ci seba ke xoverdayîşê xoîdarekerdişî de hêzanê pawitişî yê sîvîlî rê serkêşîye bikerî ameyî merkezê bajarî.

Qezaya Sûrî ya Amedî de aşmanê peyênan ê 2015î ra heta adara 2016î xoverdayîşî dewam kerd. Nê xoverdayîşî de 105 rojî  ciwananê qehreman ê kurdan vera artêşa tewr girde ya dîyine ya NATOyî xoverdayîşo bêhempa da. Vera înan hêzê dewlete bibê ke teyara, tanq, top, leşker, qoricî û bi heme îmkananê dewlete hêriş kerdêne. Destê xoverdayoxanê xoîdarekerdişî de  têna çekê înan ê ferdî, zîrrîya înan a girde û sey Şehîd Çîyagerî yew fermandarê înan bibi.

Şarê Sûrî mîlîtanîya fedayîyî û qehremanîya şarî ya Şehîd Çîyagerî rê şahîdîye kerde. Tarîxî seserra 21. de bi bawerîya 'peynîya muhteşeme' erdem, rindîye û vindertişê bihurmetî yê kesanê ke şer kenê reyna nuşt. Ma pê sereberz ê ke ma rêça Şehîd Çîyagerî de têkoşîn kenê. Caardişê waştişê şehîdan ma xo rê sey wezîfe vînenî.

Ma şexsê Şeyîd Çîyager o ke 12ê adara 2026î de şehîd bi û heme şehîdanê xoverdayîşê xoîdarekerdişî yê Sûrî de heme şehîdanê bînan ê xoverdayîşê xoîdarkerdişî bihurmet yad kenê û soz danê ke ma do têkoşînî xurter bikerê û ser bifînê.''