Merkezê Îrtîbatî û Çapemenîye yê Gerîlayanê Yewîyanê Rojhelatê Kurdîstanî (YRK) eşkerayîya nuştekîye daye.

Eşkerayîye wina ya:

''Hêzanê Îranî yê îşxalkeran pê hêrişê hewayî û operasyonan hêrişê hêzanê gerîlayan ê  ma kerd. 18ê nîsane de warê Diwandere de pê helîkopterî operasyon ame kerdene. Îşxalkerî Qilê Biharwende ameyî cakerdene. Seba ke pêkewtişêk meqewimîyo hêzê ma hasasîyet mojnenê. 21ê nîsane de zî herêma Meriwanî de qorîcîyan dormeyê dewa Akçe de damî nayî ro. Mabênê hêzanê ma yê ke damî ferq kerdî  û gorîcîyan de pêkewtiş vejîya. Pêkewtiş de nê kesê ke bîyî sebebê şehadetê Şehîde Zîlane Pepule, Şehîd Tolhildan, Şehîd Agir Urfa û bi desan pêşmerge û welatperweranê ma ameyî cezakerdene. Osman Cihani, Nasir û kesêko nameyê ci nêame zayene ameyî kiştene û qorîcîyêk zî birîndar bi.Pêkewtiş de vînîbîyayeyê ma çînê, embazê ma weşûwar resayê cayê xo.  Rixmê hêrişanê qorîcîyan ê ke pabesteyê çete û dewlete yê hêzê ma seba ke pêkewtişî mevejîyê prosesê adirbirnayîşî de zaf hasayîyet mojnenê.  Nê qewimîyayîşî ra dima eke hêzê dewlete û qorîcîyî hêrişê hêzanê ma mekerê prosesê adirbirnayîşî do dewam bikero. Eke vera hêzanê ma hêrişî bêrê kerdene ma do çarçewa xopawitişî de cewabê înan bidê.''