Zîndanê Hewlêrî de 80 tepişteyî grevê vêşanîye de yê
Zîndanê Hewlêrî de 80 tepişteyan bi şîarê ''Ya azadîye ya merg''î dest pê grevê vêşanîye kerd.
Temsîlakarê tepişteyanê Behdînanî yê ke sey aktîvîstê ke rîyê sebebanê sîyasîyan ra ameyî tepiştene yenê zanayene, Ayhan Seidî da zanayene ke Zîndanê Hewlêrî de 5 aktîvîstê Şêladizê pîya bi 75 tepişteyan bi şîarê ''Ya azadîye ya merg''î dest pê grevê vêşanîye kerd.
Goreyê eşkerayîye tepişteyê şêladizêyîjî Mehmud Nacî, Emced Yusif, Nêçîrvan Bedîh, Yusif Şerîf û Kovan Tariq rîyê fîkranê xo û çalakîyanê protestoyî ke tewrê ci bîyî ra ameyî remnayene û bê muhakemekerdene 1 serrê û 3 mengî yo bîlasebeb zîndan de yenê tepiştene.
Eşkerayîye de veng dîya rêxistinanê heqan, dezehanê bînan ê leqedaran û temsîlkaranê welatanê herême ke wa semedê serbest veradayîşê tepişteyanê ke bîlasemed zîndananê Iraqî de yenê tepiştene çîyêk bikerê.
