Şerwananê YPGyî yê başûrijan derheqê hêrişanê PDKyî de ANFyî rê qisey kerd.

Şerwan Devran Dîyanayî vat: ''Başûrijî ganî vera poîtîkayanê PDK û dewleta tirke bêveng nêmanê. Artêşa tirke û dewleta tirke wazenê erdê ma îşxal bikerê û ê nêwazenê kurdî bibê wayîrê statuyêkî. Rixmê nê raştîyan zî Barzanî verê xo dano dewleta tirke. Ganî kurdî ruhê yewîya neteweyîye bipawê. Peymana PDK û Iraqî ya serê Şingalî nêna qebulkerdene. Rayberê ma çend serrî yo tecrîdkerde yo. Ganî kurdê 4 parçeyan hînî wurzê payan ser.''

Şerwanê YPGyî Hozan Kerkûkî vat: ''PDK wextêkê dergî ra nata hemkarîya dewleta tirke keno. Polîtîkayê Barzanîyî goreyê menfaatanê kurdan nîyê. Hêrişê PDKyî yê vera gerîlayan yeno manaya birakujî. Ma venga PDKyî danê ke wa xîyanetî ra fek vera bido, wa nêbo çeka dewleta tirke. PDK hêrişê gerîlayan keno la gerîlayan Kerkûk xelisnabi. Dewleta tirke bi rayîrê polîtîkayanê xo yê gemarinan xîret kena ke kurdan pê destê kurdan bida qirkerdene. Ez venga ciwananê ma danê ke bi ruhê yewîya neteweyîye vera îşxalkeran şer bikerê.''