Dewleta tirke ya îşxalkere pê SÎHAyan taxa Hilêlî ya Qamişloyî de hêrişê wesayîtêkî kerdbî û hêriş de 3 kesî şehîd bibîy. Roniştoxanê Amûdê vera hêrişî çalakîya rayraşîyayîşî kerde. Çalakîye de pankarta bi nuşteyê 'Rûsya garantora herêm a û sûcanê Tirkîya ra mesuldar a' ameye akerdene.

Girse ver bi baregehê Rûsya şi û dima Endama Têgêrayîşê Nûjene yê Kurdîstanî Newroze Hesen eşkerayîye wende. Eşkerayîye de bêvengîya Rûsya ameye şermezarkerdene û venga ci ame dayene ke wa vera hêrişanê Tirkîya sey garantora herême tewirêk bigêra.

Endamê PYDyî yê Amûdê Adil Emînî çalakîye de qisey kerd û vat: ''Ma hêzanê Rûsya ra wazenê ke sozê xo bîyarê ca û adirbirnayîşî bipawê.''