Dewleta tirke ya îşxalkere cerganê xo reyde 9ê teşrîna verêne ya 2019î ra nata bêmabên hêrişê Rojawanê Kurdîstanî kena.

Wextanê peyênan de Zirgan de dibistanî benê hedefê cergan. Rûsya zî têna hêrişê vera Zirganî seyr kena ke Zirgan Serêkanîyê ra 30 kîlometre dûrî ya.

Zirgan de vera 5 dibistanan her rojê hêrişî yenê kerdene. 2 dibistanan de hêrişan rê mabên dîya perwerdeyî, dibistananê bînan de zî hûmara wendekaran kêmîyena. Hêrişan ra Zirgan de 6 hezar û 741 wendekarî perwerdeyî ra dûrî mendî û 81 dibistanan ra 40 dibistanan de perwerde dewam keno.

Endama Îdareyê Dibistanan ê Zirganî Nesrîne Alî îfade kerd ke hêrişanê dewleta tirke ya îşxalkere ra herême de perwerde binê şert û mercanê bitehlukeyan de yeno caardene. Nesrîne da zanayene ke cergî her roje hêrişê dibistanan kenê û nê hêrişî zî bi hawayêkê xirabî tesîrê psîkolojîya domanan kenê.

Nesrîne Alî venga rayaumûmîya neteweyîye da ke vera hêrişan têbigêra.