Dewleta tirke û cerganê ci destpêkê na menge ra nata dew û qezayanê Efrînî ra xeylêk merdimî remnayî. Hema zî xeylêk dewê Efrînî binê ablûqa de yê.

4ê kanûne de cerganê artêşa tirke ya îşxalkere dewê Basûfan û Kibêşanî yê qezaya Şêrawa girewtî binê ablûqa û bi desam sivîlî remnayî. Nameyê nê sivîlan wina yê: Xelîl Ehmedo, Ereb Şahîn Erebo, Rêzan Îbrahîm Heyder Erebo (22), Şêxo Izedîn Îbrahîm, Cano Qasim Qasim, Remzî Fewzî, Ehmed Elo, Riyad Elî Seyf El-Dîn (33), Nabo Elî Oso, Xerîb Mûsa Nebo, Canpolat Seîd Cinêd û Xezalê Selmo (40).

Dima dewa Bîye zî gêrîyaye binê ablûqa û tira 15 sivîlî ameyî remnayene. Nameyê nê sivîlan wina yê: Omer Hesen Xelo, Mûsa Elî, Nasir Omer, Hecî Îbrahîm, Seîd Ehmed, Rolat Seîd Ehmed, Îbrahîm Mûsa Elî, Cemal Behrî, Izet Behrî, Ehmed Mihemed Mehmûd, Mehmûd Sebrî Hemo, Mihemed Hesen Xelîl, Merwan Hecî Osman, Mihemed Mistefa Mamo û Mistefa Osman Mehmûd. Cergan dest na telefonanê nê sivîlan ser zî.

Çend rojî verî zî cerganê Cebhe El Şamîyê dewanê Erendê, Misteşûra, Qasima, Dela û Şîtka de tewr tay 100 kesî remnayî.

Goreyê zanayîşanê ke herêmîyan ra ameyî girewtene serebûtê remnayîşî dewam kenê, cergan dewê Şêrawa û dewa Mîrkanî ya Mabata girewtî binê ablûqa û dekewtiş-vejîyayîşê ramitoxan qedexe kerdî.