Dewleta tirke pîya bi çeteyanê xo û heme hêzê xo yê teknîkî hêrişê Eyn Îsayî kena. Cayê sîvîlan pê çekanê giranan yenê bombardumankerdene. Hêzê QSDyî vera hêrişê îşxalî cewab danê. Fermandaranê QSDyî yê Eyn Îsayî ra Ezîz Xerbisanî ke ANHA rê qisey kerd, hêrişê dewleta tirke û çeteyanê ci ercnayî.

Xerbîsanî vat: ''Îşxalkerî pê çekanê giranan hêriş kerd ke dewa Cehaba ya Eyn îsayî îşxal bikerê. Ma çarçewa pawitişê meşrûyî de cewabê înan da û hêrişê înan pûç vet. Dima înan hêrişê dewa Seyda kerd ke tede sîvî estê û cuya înan nika binê tehluke de ya.

Rojhilatê Eyn Îsayî de nêzdîya Embarê Xeleyî yê Sawuma de hetê nuqtaya çimdarî ame hedef girewtene. Rixmo ke na nuqta binê kontrolê leşkeranê hukmatê Şamî û Rûsya de ya qet cewabê nê hêrîşan nêame dayene. Pê teyarayanê şerî herême ser o bombayî ameyî varnayene. Xeylêk leşkerê rejîmî birîndar bîyî la cewabê hêrişan nêdîya.

Rixmê heme hêrişanê înan ê do nêeşkê îrade û xoverdayîşê ma bişiknê. Ma do şar û erdê xo bipawê. Ma hêrişî peyser qeldayî, verê înan girewt. Ma do destûrê îşxalî medê.''