Dewleta tirke 12ê çeleyî de newera hêrişê Rojawanî kerd. Herême de heme tesîsê elektrîk, petrol û gazî ameyî hedefgirewtene. Dewleta tirka ke keyeyê şarî zî  dayî bombayan ver nê şertanê zimistanî de şar mexdûr kerd.

Goreyê zanayîşanê ke Konseya Enerjî ya Îdareyê Xoserî yê Rojawanî Îstasyonê Siwêdîya yê Dêrikî yo ke xizmetê elektrîk û gazî dayêne Kantonê Cizîre bi temamî teberê xizmetî de mend. Eynî qeyde  kantonanê Cizîr û Firatî 7 îstasyonê elektrîkî zî teberê xizmetî de mendî.

Hemserekê Ofîsê Enerjîyê Îdareyê Xoserî Zîyad Rustemî yê ke ANHA rê qisey kerd, vat Tirbespiyê, Qamişlo, Amûdê, Dirbêsiyê, Eyn Îsa, Kobanê û Til Temir de hêrişan de îstîsyanê elektrîkî teberê xizmetî de mendî.

Rustemî vat, heme Dêrikê Kantonê Cizîre, se ra 70yî yê Qamişlo, qezayê Çilaxa, Til Koçer, Tirbespiyê, Til Hemîs, Amûde, Dirbêsiyê û Til Temir û Eyn Îsayê Kantonê Firatî û bi seyan dewî bêelektrîk mendî.

Zîyad Rustemî vat nê qeza bajaran û 800yî ra zafêr dewan de 2 mîlyon kesî bêelektrîkî mendî.

Dewleta tirke ya îşxalkere teşrîna peyêne û kanûna 2023yî de zî herême de îstasyonê elektrîk, awe, petrol û gazî dabî bombayan ver û bi mîlyonan kesî xizmetê cuyekî ra mehrum verdaybî.

Goreyê çimeyanê cayîyan 48 saetanê peyênan de pê teyarayanê şerî û droneyanê çekdaran 56 rey vera herême hêriş ame kerdene. Nê hêrişan de 2yê înan domanî, yewê înan rojnameger 6 kesî birîndar bîyî 5 leşkerê şamî merdî.