Qezaya Licê ya Amedî de adiro verên ê Newroza emserî bi şîarê ''Rayberîya Azade, Komelo Demokratîk'' û ''Semedê Azadîye Newroza Komelê Demokratîkî'' ame tafînayene.

Wekîlê DEM Partî, hemşaredarê qeza, îdarekarê DBPyî, temsîlkarê têxitinanê komelê sîvîlî zî tede xeylê kesî tewrê ci bîyî. Şarî bi kincanê xo yê tradîsyonkî govende gorewt. Warê şayî ra sloganê “Bijî Serok Apo” û “Jin, Jiyan, Azadî” bîyî berz.

Hemserekê DBPyî yê Amedî Mehmet Şîrîn Gurbuzî vist vîrî ke şarê kurdî xeyrê têkoşînê PKKyî heta ewro ame, vengdayîşo tarîxî yê Rayber Apoyî selam kerd û semedê wayîrvejîyayîşê ci veng da.

Wekîla DEM Partî ya Mêrdînî Bêrtîne Guneş zî vat: ''Emser Brêz Ocalanî 27ê sibate de Îmrali de adir vist ta. Ma do bi ruhê Newroze vera zulmî û şerê taybetî adir bifînî ta. Ma bertengê ronesansê girdî de yê. Ma do wayîrê paradîgmaya Birêz Ocalanî bivejê, bi têkoşînê girdî cuye azade biafirnê. Ma do wayîrê vengdayîşê seserran bivejê.''

Badê qiseykerdişan dayîkanê laçiksipîyan adiro verêrn ê Newroza emserî bi coşê pîlî fîna ta. Polîsan waşt vengê şarî bibirno la şarî bi slogana “Bijî serok Apo” cewab da.

Merkezê Kulturî yê Mezopotamya ra Koma Vejîn  zî bi deyîranê xo reng da şayîya Newroze.