Meclîsê Cinîyan ê DEM Partî Amed de DAKAP û Meclîsê Cinîyan ê Konseya Bajarî de pêvînayîş kerd. Pêvînayîşan de bale ameye antene muhîmî rolê cinîyan ê prosese haştîye ser û veng dîya cinîyan ke wa wayîrê prosesî bivejê.
Meclîsê Cinîyan ê DEM Partî çarçeweya “Înşayê Haştîye û Komelê Demokratîkî de Têhetameyîşê Cinîyan” de herême de pêvînayîşanê xo domneno. Na çarçewe de vizêr serkêşîya Vervatoxa Meclîsê Cinîyan a DEM Partî Halide Turkoglu heyetêk Platformê Cinîyan ê Dicle
Amed (DAKAP) û Meclîsê Cinîyan ê Konseya Bajarî de ame têhet.
Pêvînayîşan de bale ameye antene rolê platformanê cinîyan ser ke semedê caardişê haştîye têkoşînî rê serkêşîye kenê. Qiseykerdişan de ame vatene ke tewr zaf cinîyî wayîrê prosesî vejîyenê û ame waştene ke wa her kes berpirsîyarîya xo bîyaro ca û rêxistinkerdiş û paştdayîşî xurtêr bikero.
Kombîyayîşan de ame îfadekerdene ke eke kurdî vîndî bikerê cinîyî, cinîyî vîndî bikerî kurdî, elewî û ê bînî vînî kenê û ame vatene ke gerek îdareyê herêmî bêrê xurkerdene.
