Mîlîsê Şamî sîvîlan hedef genê: Domanêk merd
Bajarê Qamişloyî yê Rojawanî de nêtîceya hêrişê mîlîsanê hukmatê Şamî de yew domanî cuya xo vînî kerde û yewê înan doman hîrê sîvîlî zî birîndar bîyî.
Qamişlo de milîsanê Dîfa El Wetenî yê rejîmê Şamî adirbirnayîş binpay kerd, pêkewtişî dewam kenê.
Hêrişê mîlîsanê Şamî yê kuçeyê Wahda de domenê bi nameyê Ehmed Hemûd Hemûd (14) û Mehmûd Mehmûd (10) birîndar bîyî. Domanê ke ameyî berdene nêweşxane înan ra Mehmûd Mehmûdî cuya xo vînî kerde.
Nêzdîyê kuçeyê El Wehde de di keyeyê sîvîlan sey hedef ameyî girewtene.Netîceya hêrişî de Ehmed El Resli (30) Ehmed Xerqi (33) birîndar bîyî. Heyva Sor a Kurd birîndarî bêrdî nêweşxane.
Nê mabên de hêzê pabesteyê hukmatê şamî zî binê nameyê leşkerîya asayîşe de çatrayîrê Sîvanî de hêrişê nuqtaya kontrolî yê Hêzanê Asayîşê Zereyî yê kerd.
Şewa 21ê nîsane pê mabênçîtîya polîsan ê leşkerîyan ê Rûsya mabênê wird hetan de adirbirnayîş amebi kerdene. La milîsanê Dîfa El Wetenî şewdirê pancşemeyî adirbirnayîş binpay kerd û kuçeyê Wehda yê taxa Teyî de Hêzanê Asayîşê Zereyî ser o guleyî varnayî. Hêzanê Asayîşî yê Zereyî da zanayene ke înan çarçewa xopawitişê meşrûyî de cewab dayo. Pêkewtişî ca ca dewam kenê.
