Hemserekê Partîya Yewîya Demokratîke (PYD) Salih Muslimî ANFyî rê hêrişê îşxalî yê dewleta tirke yê vera Rojawanî ercnayî.

Muslimî vat: ''Dewleta tirke 7 serrî yo ke şerêkî domnena. No şer têna vera Rojawanî nê vera heme Kurdîstanî yo. Pê topan, tanqan û sîyasetê qirkerdişî hêrişê kurdan kenê. Hêrişê vera Rojawanî zî leteyêkê nê sîyasetî yo. Wazenê kurdan çîn bikerê û seba ke nê planê înan bêro caardene kam çi biwazo danê ci. Rûsya zî Îran zî çi biwazo danê ci. Seba ke kurdan bin bifînê çîyo ke destê înan ra yeno kenê.Vatişêko sey 'wa kurd/e dayîka mevîno est o.' Raşta zî wina yo. Vera kurdan na polîtîka yena caardene.

Kombîyayîşê Tahranî de qaçîko meseleya Sûrîye ameya qiseykerdene la temsîlkarê kurdan û Sûrîye mîyanê înan de çînêbbî. Destûr nêdîya hêrişê girdî  yê dewleta tirke. Til Rifet û Minbic de xeylêk hêzî est ê. Îran, Rûsya û hêzê bînî est ê. Yewîyê kurdanê cayîyan û rejîmê Sûrîye est o. Çoka destûr nêdîya. Înan vat 'têna şima eşkenê bi metodanê xo yê verênan pê droneyan, topan û tanqan eşkenê kurdan bikeşê.' Coka badê nê pêvînayîşî hêrişê vera Rojawanî zêdîyayî. Seba ke înan Tahran de waştişê xo dest nêfîna ameyî Soçî. Xora nizdîbîyayîşê mabênê Anqara û Şamî sey zewajê bizorî yo. No ne semedê Sûrîye ne zî semedê meselaya kurdî çare nîyo û çîyêko zaf bitehluke yo.

Faşîzmê Tirkîya her kesî xapînena. Tirkîya Pêkerdişê Adana semedê hêrişan kena bahane. No pêkerdiş xora fermî nîyo. No pêkerdiş mabênê di îstîhbaratan de mîyan ame kerdene.  Ganî no pêkerdiş bêro betalkerdene. Nika semedê hêrişan no pêkerdiş reyna fîna dewre.Wazenê nê warî ra kurdan vejê. Ne rayapêroyîya mîyanneteweyîye ne zî şarê kurdî nê qebûl keno.

Îdareyo faşîst ê Tirkîya wazeno planê xo yê osmanîyî bîyaro ca. Vera nê hem kurdî têkoşîn kenê hem zî şarê Sûrîye nê qebûl nêkeno. Şarê kurdî estbîyayîşê xo îspat kerd. Semedê xopawitişî têkoşîn keno. Şarî pêro pîya 8-9 serrî yo tîya têkoşîn kenê û xo pawenê. Kayê dewleta tirke bi eşkera. Her kes raştîye vîneno. Meseleya Rojhilatê Mîyanênî de her çî bîyo eşkera.  Êyê ke verî kayanê Tirkîya ya xapîyayî hinda nêxapîyenê. Proses do ewro ra tepîya bibedilîyo. Faşîzmê dewleta tirke do binkewo û şarê kurdî ser bikewo.''