Rojnamegerw Pexşane Ezîzî ya ke ci rê cezaya dardekerdişî dîyabî û Zîndanê Evînî de tepişîyene, seba serrgêra diyîne ya serewedaritişê 'Jin, Jiyan, Azadî' mektubêke şawite. 

Pexşane mektuba xo de bale ante rolê cinîyan ê serkêşîye ser û vat ke ganî rolê camêrdan mîyanê komelî de newe ra bêrê pênasekerdene. Pexşane vat: ''Seserra 21in dobiba seserra cinîyan û tedeyîya nê şorişî do Jineolojî aver bera ke sey zanistê cinîyan zanîyena û berhemê Rayber Apoyî ya. Ma sey cinîyan wexto ke pîya têkoşîn bikerê eşkenê vurîyayîşanê pîlan bîyarê ca. Formulê nê paştdayîş û têdûştîye zî 'Jin, Jiyan, Azadî' yo, oyo diyîn zî averberdişê pawitişê cewherî yo.

Eke ma bingeyê felsefeya 'Jin, Jiyan, Azadî' têkoşîn bikerê ma eşkenê çinhesibnayîşî çin bikerê. Bi cînsîperestî, zanistî, dînî û neteweperestîye komel û cinîyî yenê hedefkerdene. Felsefeya ‘Jin Jiyan Azadî’ felsefeya cuye ya. Jineolojî şorişê zanistî yo. Bedelê ci çi beno wa bibo ganî destûr nêro dayene ke na felsefe bêra çinkerdene. Seba ke ma gonîya şehîdanê 'Jin, Jiyan, Azadî' erd de meverdê, ganî ma komelêkê demokratîkî awan bikerê, kulturê xo bipawê û wayîrê hişmendîya şorişî vejîyê.''