Hêzanê Sûrîyeya Demokratîke (QSD) bi eşkerayîyêke seba 8 welatperweranê ke hêrişanê dewleta tirke yê vera Qamişloyî de şehîd bîyê, serweşîye waşte.

QSDyî da zanayene ke dewleta tirke ya îşxalkere derheqê hêrişanê xo de zûran kena, hêrişan de zerarêk nêresayo hêzanê înan ser û dewleta tirke waranê sivîlan hedef kena.

QSDyî vat: ''Ma do şarê xo her wextî ra zêdeyêr vera hêrişanê terorîstan ê dewleta tirke ya faşîste bipawê. Ganî dewleta tirke ya faşîste bizana ke şensê ci çin o ke verê nê şarê xoverdayoxî de ser bikewa. Yewî û rêxistinîya şaranê Rojawanî eşkena pêro hêrişan pûç bikera. 

Şarê ma wa vera nê hêrişan heqê xopawitişê meşrûyî asta berze de bimojnê, destûr nêdê nê hêrişan, bi çalakîyanê xurtan wayîrê şoriş û erdê xo vejîyê. Wa şarê ma tewrê QSDyî bibo û pawitişê xo bikero. 

Ma bêvengîya Rûsya û Koalîsyonê Mîyanneteweyî ya vera nê hêrişan qebul nêkenê. Wa Rûsya û Hêzê Koalîsyonê Mîyanneteweyî verê nê hêrişan de tewirê xo bimojnê.''