Merkezê Çapemenî û Îrtîbatîyê QSDyî bîlonçaya operayonê Dêrazorî ke hetê YPG, YPJ û Hezanê Asayîşê Zereyî ra 5ê sibate dîya destpêkerdene, eşkera kerde.

QSDyî da eşnawitene ke qetilkarê Hemşaredara bajarekê Til Seyîrî yê Dîşîşa ya Kantonê Hesekê Seda Feysel Ey Hermas û hetkara ci Hinde Letif El Xidar zî tede 87 çeteyê DAÎŞî ameyî tepiştene.

Hîrayîya eşkerayîye wîna ya:

''Demê peyên de herêma Dêrazorî de falîyetê çeteyanê DAÎŞî zêdîyayî. Bitaybetî zî hêrişê dewleta tirke yê vera destkewteyanê şarê herême ra çeteyan paştî girewte û kenê ke xo newe ra bîyarê pêser.  Bitaybetî herêma Siwarî û Dêrazorî de vera şarî û endamanê Îdareyê Xoserî xeylêk hêirşê terorî ameyî kerdene. Qetilkerdişê Hemşaredara bajarekê Til Seyîrî yê Dîşîşa ya Kantonê Hesekê Seda Feysel Ey Hermas û hetkara ci Hinde Letif El Xidar zî mîyanê nê falîyetan de ca girewtêne. Semedê qesasgirewtişê  nê wird cinîyan ê şorişgêran hetê  QSD, YPG,YPJ û Hêzanê Asayîşê Zereyî ra 5ê sibate de Dêrazor de operasyonêko hîra dîya destpêkerdene. Operasyon 14ê sibate de qedîya.

Operasyon de bi desan nûqtayanê çeteyanê DAÎŞî rê sereştişî ameyî kerdene û qetilkarê wird cinîyan ê şorişgêranzî tede 87 çeteyê DAÎŞî ameyî tepiştene. Reyna xeylêk cepilxane zî ame destfînayene û herêma Dişîşa de tunelêkê çeteyan zî ame tesbîtkerdene.

Nê operasyonê serkewteyî de DAÎŞo ke xîret keno ke xo bîyaro pêser derba pîle ameye pirodayene. Şarê Dêrazorî zî paştî daye operasyonî. Vera DAÎŞî do operasyonê ma dewam bikerê.''