Îdareyê Cinîyan ê Reqa çalakîya xo ya xeyme ya vera sûcanê dewleta tirke qedînaye. Rayberîya Meclîsê Ciwanan ê Reqa û Yewîya Cinîyan ê Ciwanan de zî şîdetê vera cinîyan ame protetsokerdene.
3 rojî verî dewa Til Seminî ya Reqa de seba protestoyê sûcanê dewleta tirke çalakîya xeyme dîyabî destpêkerdene.
Roja peyêne ya çalakîye de babîyê Hevrîne Xelef Cemal Bakinciyî qisey kerd û vat: ''Hevrîne şehîd bîye la bi hezaran Hevrînî ewro têkoşîn kenê. Ma 11 hezar şehîdî dayî. La ma do têkoşînê xo yê vera komplogeran do dewam bikerê.''
Endama Îdareyê Cinîyan ê Reqa Halîya Kecvan zî eşkerayîye de hêrişê dewleta tirke yê vera Minbic û Eyn Îsayî vist vîrî û da zanayene ke nê hêrişî seba çinkerdişê Îdareyê Xoserî yenê kerdene. Halîya venga komelê mîyanneteweyî da ke sûcan û hêrişanê dewleta tirke wa şermezar bikero.
Hetê bînî ra şaristan de rayberîya Meclîsê Ciwanan ê Reqa û Yewîya Cinîyan ê Ciwanan de zî şîdetê vera cinîyan bi nawnayîşêk ame protetsokerdene. Roniştoxê Reqa, endamê rêxistinan û koçberê herêman ê îşxalkerdeyan tewrê nawnayîşî bîyî. Nawnayîş de pankartê bi nuşteyê 'Îşxalî rê ney' û 'Şîdet û tecawuzê vera cinîyan rê ney' ameyî akerdene.
Yewîya Cinîyan ê Ciwanan ser o Beraa El-Mihemed eşkerayîye wende û îfade kerd ke ê pêro şîdetê vera cinîyan şermezar kenê. Eşkerayîye de venga pêro cinîyanê dinya ame dayene ke vera sûcanê barbaran ê Erdoganî vinderê.
Nawnayîş bi sloganan qedîya.
