Çalakîyê semedê azadîya Rayberê Şarê Kurdî Abdullah Ocalanî pêroyê Kurdîstan de dewam kenê. Seranserê Rojawanî de ewro şar vejîya kuçeyan û vera tecrîdî û hêrişanê dewleta tirke mesajê pîlkerdişê têkoşînî dayî.

Hesekê, Kampa Waşûkanî, Stadê, Tiltemir, Dirbesiyê, Şehba, Kobanê, Qamişlo, Tirbesipîyê, Çilaxa, Girkê Legê,Dêrik, Til Birak, Amûde, Heleb de çarçewa Hemleya 'Wextê Azadîye yo' de rayraşîyayîşî ameyî kerdene. Çalakîyê ke bi hezaran kesî tewrê ci bîyî de îdarekarê dezgehanê komelê sîvîlî û partîyanê sîyasîyan û rîsîpîyanê eşîraanê ereban zî cayê xo girewt. Qiseykerdişan de bale ameye antene muhîmîya rolê Adullah Ocalanî ya semedê şaranê Kurdîstan û Rojhelatê Mîyanênî ser û ame vatene ke heta azadîya fîzîkîye ya Ocalanî do çalakîyî dewam bikerê. Çalakîyan de xoverdayîşê Îmraliyî ame selamkerdene  û wina ame vatene : ''Azadîya Rayber Apoyî azadîya heme şaran ê bindestan a, heta o azad mebo ma nêeşkenê bibê azade. Coka ganî ma têkoşînî pîlêr bikerê.'' Çalakîyan de veng dîya dezgehanê eleqedaran ê Ewropa ke wa vera tecrîdî wezîfeyê xo bîyarê ca. Çalakwanan hêrişê dewleta tirke yê vera Rojawanî zî şermezar kerdî û vat: '' Xoverdayîşê şaran do vera îşxlakeran ser bikewo.''