Dewleta tirke ya îşxalkere û cerganê ci wextanê peyênan de sere de Eyn Îsa û Girê Sipî vera Rojawanî hêrişê xo zêdînayî. Rûsya û rejîmê Şamî vera hêrişan tênêgêrenê. Eşîrê herême pê tewirê Şam û Rûsya qayîl nîyê.

Hemserekê Meclîsê Hişî Îsa Xelîlî ard ziwan ke dewleta tirke Eyn Îsa û Girê Sipî de ca nêverdayo ke azad o û vat: ''Dewleta tirke her cayê Eyn Îsayî da bombayan ver. A wazena çimê şarî bitersna. La ma do erdê xo war nêverdê. Ma venga Rûsya û rejîmê Şamî danê ke seyrkerdoxîye ra fel vera bidê. ''

Eşîra Fîdean ra Şêx Feysal Horanî vat: ''Erd û malê ma yenê talankerdene la Rûsya û Sûrîye têna seyr kenê. Ma do vera nê hêrişan xo ver bidê. Çîyêkê tirkan erdê ma ser o çin o.''

Rayberê Eşîra Şedad Zaîmî Kurdo Uxoyî vat: ''Her roje verê çimanê ma de domanê ma, cinîyê ma kişîyenê. Rûsya û Şam çira vengê xo nêkenê? Eyn Îsa de hêrişî nêvindenê.''

Girê Sipî ra Hec Îsmaîlî vat: ''Ma wayîrê nê erdî yê. La çi gureyê Tirkîya tîya de esto? Ganî Rûsya û Şam nê hêrişan qebul nêkerê.  Dewleta tirke Serêkanîyê, Girê Sipî, Efrîn pêro îşxal kerdî. Rûsya û Şam çira verdenê dewleta tirke erdê ma îşxal bikera? Menfaatê înan çita yo?''