Hêrişê vera Eyn Îsayî dewam kenê. Tewr peyên teqayîşêk de 2 domanî merdî, 2 domanî zî birîndar bîyî. Vizêr şewe zî hawanêk kewt warê sivîlan.

Roniştoxê herême vanê:

''Tîya de hêzê leşkerî çin o. Ma pêro sivîl ê. Rûsya qaşo seba pawitişê ma tîya de ya la çîyêk nêkena. Serê sibayî de fîşekî dest pêkenê. Ma nêşekenê vejîyê teberî. Çira Rûsya bêveng a?''

Dadîyêke zî wina nêrazîbîyayîşê xo mojna: ''Erdogan ma ra çita wazeno? Her roje vera ma hêrişî yenê kerdene. Ma bimirê zî erdê xo do nêteriknê. Wa Rûsya û rejîm tîya ra vejîyê. Çira ê tirkan reyde îtîfaq kenê û ma nêpawenê? Ez dadî ya û mi 3 domanê xo feda kerdî. Ma do bedelan zî bidê la erdê xo war nêverdê. Ganî ez dest bierza çeke.''