Dewleta tirke û cergê ci hêrişê Eyn Îsayî kenê. Şerwanê QSDyî vera hêrişan xo ver danê.

Fermandarê Meclîsê Leşkerî yê Reqa Emmar Ekaşo ke dewa Cehbelî de vera hêrişan şer keno derheqê mesele de qisey kerd.

Ekaşî vat: ''Şerwanê ma şarê herême reyde do nêverdê ke erdê ma bêro îşxalkerdene. Ma seba pawitişê erd û şarê xo tîya de yê. Qet nîyetê ma çin o ma hêrişê merdiman bikerê. Ma têna armanc kenê ke erdê xo bipawê. Ma do cewabê hêrişan bidê. Moralê ma berz o û ma pê bawer kenê ke do ser bikewê.''