Merkezê Çapemenîye yê Fermandarîya YPGyî bi eşkerayîyêke da zanayene ke hêzanê înan hêrişê pêşmergeyan nêkerd.

Eşkerayîya YPGyî wina ya:

''Serranê peyênan de bi hawayêkê mendeyî mabênê Rojawan û Herêma Kurdîstanî de prosesê têkilîye estbî û nê têkilîyî dewam kenê. Nê têkilîyî çarçewa şerê vera DAÎŞî û aramî û asayîşê herême de ameyî kerdene. Netîceya nê têkilîyan de zî xeylêk alozîyê ke serê sînorî de qewimîyayî, çareser bibî.

Hêzanê ma 16ê kanûne de nêzdîyê qezaya Sihêlî de hêrişê qet yew baregehê pêşmergeyan nêkerdo. Sebeb çin o ke hêrişêko winasên bêro kerdene. Derheqê babete de xeylêk eşkerayîyî ameyî dayene. Nê eşkerayîyî rewşe kenê têmîyan û raştîye ra dûr ê.

A raşte seba ke mabênê ma û selahîyetdaranê Herêma Kurdîstanî de kêmîya têkilîye û dîyalogan ra mesele vejîyaye. Ma sey YPGyî hûrmetê xoserîya Herêma Kurdîstanî danê û ma venga înan danê ke sîyasetê hêrişkerîye, provakasyon û sûcdarkerdişan war verdê. Ganî pêro meseleyî bi rayîrê dîyalog û pêvînayîşan bêrê çareserkerdene.''