32 bajaran de raydayîş qediya
Sindoqê weçînayîşî yê 32 bajaran ê ke saetanê şewdirî de seba raydayîşî amebî akerdene, saet 16 de ameyî girewtene û nê bajaran de weçînayîş qedîya.
Bi desan mîlyonî weçînayoxî, seba ke îdarekaranê herêmîyan weçînê, ewro şîyî sindoqan ser.
Bi qerarê Heyetê Weçînayîşê Berzî (YSK), bajaranê sey Semsûr, Agirî, Artvîn, Çewlîg, Amed, Xarpêt, Erzingan, Erzirom, Dîlok, Gîresûn, Gumuşhane, Colemêrg, Qers, Meletî, Mereş, Mêrdîn, Mûş, Ordû, Rîze, Sêrt, Sêwas, Trabzon, Dêrsim, Riha, Wan, Baybûrt, Êlih, Şirnex, Erdexan, Îdir û Kîlîsê de, saet 16 de cieştişê rayan qedîya û sindoqî ameyî padayene.
Bajaranê ke binan de cieştişê rayan do saet 17 de biqedîyo. Saet 17 ra dima, humartişê rayan do dest pêbikero.
Qedexeyê sere çapemenîye zî do saet 21’î de bêro ravazyayene. La HWB (YSK) ke münasip bivîno saet 21’î ra ver qedexe do bêro wedaritene.
