1ê kanûne de Wargehê Wendekaran ê Pîr Alîyî yê Çewlîgî de wendekarêke bi hawayêkê şikdarî merdbî. Vizêr zî şewe camêrdêk kewt wargeh û hêriş kerd. Wendekaran ê cinîyan vera serebûtî nêrazîbîyayîşê xo mojna.

Dîya zanayene ke Wargehê Wendekaran ê Cinîyan ê Pîr Alîyî yê Çewlîgî de vizêr saete 22.00 de camêrdêko hêrişkar dekewt zere û vejîya qata hîrêyîne. Dima ke wezîfedarê asayîşî pê camêrdî hesîyayî înan o vet teber. Goreyê agahîyanê ke wendekaran dayê semedo ke wargeh de tim meseleyî qewimîyenê wendekaran ê cinîyan çalakîya vengvetişî kerde. Çalakîye ra dima wesayîto zirxîn kewt baxçeyê wargehî.

Wendekaran pare kerd ke çalakîye dewam kena, kamerayê wargehî nêxebitîyenê û wargeh de tim serebûtê dizdîye qewimîyenê. Wendekaran îfade kerd ke dima ke camêrdo hêrişkar kewt wargeh qelsîya asayîşî resaya asta tewr pîle. Wendekaran vat: ''Ma waşt çalakîya vengvetişî bikerê û nêrazîbîyayîşê xo bimojnê.''

1ê kanûne de zî wargeh de ame îdîakerdene ke wendekare Şîfanure xo kişto.