Çewlîg de rêxistina Partîya Çep a Keske çarçeweya xebatanê vîjnayîşî de esnafî zîyaret kerdî û vilawekî vila kerdî. Pîya bi namzedan Cemîle Turhalli, Omer Faruk Hulakî û Faruk Arisî hemserekê pêroyî yê DBPyî yê bajarî Emine Yalçin û Lutfu Aslan û hemserekê pêroyî yê HDPyî yê bajarî Mihribane Ekinci û Feyzullah Şahanoglu tewrê zîyaretan bîyî. Esnafan zaf eleqe mojna namzedan.

Badê zîyaretê esnafan Beşyol de buroyê vîjnayîşî ame akerdene. Wekîlê HDPyî yê Çewlîgî Erdal Aydemîr zî tewrê heyetî bi. Akerdişo ke bi seyan kesî tewrê ci bîyî açarîya mîtîngî.

Verê akardişî bi deyîranê Merkezê Kulturê Mezopotamya şarî govende girewte. Govend de sloganê sey . “Biji Serok Apo”, “jin jiyan,Azadî”  û “Hukmat îstîfa” ameyî vatene.

 Erdal Aydemîrê ke akerdişî de qisey kerd, bale ante xoverdayîşê şarê kurdî ser û va: “Rixmê heme zextan ma  payra yê. Ma do 14ê gulane de  îqtîdarî verê şarî muhakeme bikerê. ”

Omer Faruk Hulakî zî vat: “Çîyê ke îqtîdarî ma ra diznayî, ma do yew bi yewî badê vîjnayîşî peyser bîgêrê. Ma do nê rejîmê yewmerdimî birijnê û qeyûman bişawê. Semedê nê gerek ma wayîrê sandîqan bivejîyê.” 

Faruk Arasî zî vat do bi serkewtişê vîjnayîşî berê zîndanan bêrê akerdene û peynîya îqtîdarî bêro. 

Badê qiseykerdişan akerdişê buroyî bi çapik û tîlîlîyan ame kerdene.