Şubeyê ÎHDyî yê Amedî derheqê hêrişanê nîjadperestan ê Konya, Semsûr û Anqara de eşkerayîye daye. 

Eşkerayayîye de ame vîrvistene ke 16ê kanûnan 2018î de Sakaraya de Kadîr Sakçi semedo ke kurdkî qisey kerdêne ame qetilkerdene û lajê ci Burhan Sakçi zî bi giranî birîndar bi. ÎHDyî îfade kerd ke Denîze Poyraz zî a raşte hêrişê nîjadperestî de ameye qetilkerdene. Eşkerayîye de ame îfadekerdene ke nê hêrişî vera nasnameyê kurdan o.

ÎHDyî da zanayene ke nê hêrişê nîjadperestî bêceza manenê. Goreyê eşkerayîye 2020 de 14 hêrişê nîjadperestî ameyî kerdene û 3ê ci domanî 7 sûrîyeyîjî ameyî qetilkerdene.

ÎHDyî keyeyê Hakîm Dalo ke 21ê temmuze de hetê nîjadperestan ra ame qetilkerdene ra serweşîye waşte û vat: ''Ganî polîtîka û hêrişanê nîjadperestan ra fek vera bêro veradayene, nê kerdişî bêceza nêrê verdayene û tehqîqatê xurtî bêrê kerdene.''