Sefer Ozturko ke Temsîlkarîya HDPyî ya Taxa Ornekî ya Esenyurtê Îstanbulî wezîfedar o dêsê keyeyê ey ser nuşteyê nîjdaberestî ameyî nuştene Serê dêzê Ozturkî de bi herdanê pîlan  ''Alevi defol Kurd'' ame nuştene û nîşanê reykî ame eştene.

Ozturkî fotografê dêsê xo ante û medyaya sanale de pere kerd û  dima ra da zanayene ke û semedê gerrekerdişî şîyo Merkezê Polîsan ê Kiraçî û uca zî raştê tehdîtanê polîsan ameyo.

Ozturkî ard ziwan ke badê îfadedayîşê gama ke o nişeno wesayîtê xo polîsan o vindarnayo û vat ganî o amîrê înan bivîno. Ozturkî vat: ''Amîrî mi ra vat, ''Ti nê medyaya sanale de pare kerdî. No çîyo raşt nîno, biestere. Ma pêro waybira yê ti pê nînan şarî kîn rê teşfîq kenê. Eke ti meesterî ma do derheqê to de tehqîqat bidê destpêkerdene.''

Ozturkî vat: ''Ma qirkerdişanê Seyîd Riza, Koçgirî, Madimak û qirkerdişanê bînan sey înan zanê. Nê qirkerdişî dewam kenê. Nê qewimîyayîşî zî dewamê nê zîhnîyetî yê.''