Zerrîwazo ke Swîsre ra ameyo Semsûr, dîyar kerd ke tay eskerî, herinda ke xîzmetê şarî bikerê însanan rê heqaret kenê.

Mehmet Karaman ke Swîsre ra ameyo Semsûr ANFyî qisey kerd û vat, ‘‘Wexto ke ez dekewta bajarî mîyan, ez mat menda. Mi tîya de dî ke eskerî heqaretê şarî kenê. Vanê, ‘Qey şima zî însan ê?’ Zafîya eskeran herinda ke xîzmet bikerê, hîna zaf şarî aciz kenê.’’

Karamanî dîyar kerd ke xeylê hetkarîyî ke herêmanê bînan ra yenê, yenê astengkerdene û vat, ‘‘AFAD dest dano hetkarîyan ser o û nameyê  xo ser vila keno. HDP nameyê xo tiranê hetkarîyî ser o nêdano nuştene, yê bînî nusenê. Tîya de gere kes rantî dima nêkewo. Ez sazgehanê demoktarîkan rê zaf sipas kena. Şar wazeno bi îmkananê xo pay ra bimano. Teberê welatî ra û Kurdîstanê Federeyî ra zî hetkarîyî yenê.’’

Karamanî bale ante Halê Îstîsnayî ser o û vat, ‘‘Wexto ke ez ameya tîya mi ser o gêrayê û bîyî asteng. Gere karê zerrîwazan nêro astengkerdene.’’