33 roşnvîr, nuştox û hunermendê ke 2ê temmuza 1993î de Sêwas de ameyî qetilkerdene, cayê qirkerdişî de ameyî vîrardene.Vîrardişê de bale ancîyaye serê yewbîyayîş û xurtkerdişê têkoşînî ser.

Rayberîya Komeleya Kulturî ya Pîr Sultan Abdalî de  (PSAKD)  aktîvîteyêke ameye organîzekerdene. Merdimanê qurbanana pîya merdimê şehîdan, temsîlkarê rêxistinanê elewîyan, patlamenterê HDP û CHPyî, temsîlkarê rexistinanê komelê demokratîkî tewrê ci bîyî. Verê Otêlê Madimakî de vilîkî ameyî ronayene.

Vîrardiş de ame vatene ke înan ke Sêwas vêşna ronayoxê AKPyî yê û ame waştene ke wa dewlete elewîyan ra ozrê xo biwazo. Qiseykerdoxan vat: ''Eke dest û zerrîya ma yew mebê ma qetilkeran rê benê loqmayêk. Çew nieşkeno bi qirkerdişan semahanê ma bido vindarnayene. Ma do çirey şehîdanê xo xo vîrî mekerê û hesabê qirkerdişan bipersê.''

Merdimanê qûrbanan zî dewlete rê hêrsê xo ard ziwan û vat: ''No yew serebût nê qirkerdiş o. Ganê ma ganî ganî veşnayî vanê vefat kerd. No qirkerdişêk o ke bi destê dewlete ame kerdene.''