Qezaya Hezexî ya Şirnexî de polîsan saetanê serê sibayî de eşt keyeyan ser. Sereştişê keyeyan de Aydin Baykara, Saît Tatli û Haci Derviş Abay bi derbkerdişî ameyî destbendkerdene.

Taxa Turgut Ozalanî de polîsan eşt keyeyanê di barayan Aydin û Omer Baykarayî ser. Keyeyê Omer Baykarayî de ber û pencerayî ameyî şinayene û Hatîce Baykaraya ke digan a û menga heştine de ya ci rê hetê polîsan ra îşkence ame kerdene. Cinîya digane pê dimçikê çeke ameye derbkerdene. Polîsan kijîkê aye ra kaş kerd û eşt erd. Polîsan şarê keyeyî çeke ant û payna maneyê înan ser. Hatîce Baykara pê ambulansî ameye berdene Nêweşxaneyê Dewlete.