Parka Înonuyî ya qezaya Seyhanî ya Adana de seba qurbananê Qirkerdişê Pirsûsî aktîvîteya yadkerdişî ameye kerdene. Wekîlê HDPyî yê Adana Kemal Pekoz, Hemserekê HDPyî yê Adana Mehmet Karakiş û endamê Hêzanê Têkoşînê Yewbîyayeyî (BMG) beşdarê yadkerdişî bîyî. 

Eşkerayîye ra dima ciwanan waşt ver bi Parka Peykerî şorê la polîsan hêrişê ciwanan kerd. Mehmet Karakiş vera tewrê polîsan vejîyayî la polîsan o warî ra dûrî vist.

Polîsan 19 ciwanî destbend kerdî û berdî Mudirîya Polîsan a Adana.

Nameyê nê kesan wina yê: Ayşe Bezegîş, Elîfe Kesen, Onur Yoldaş Mete, Cîhan Azîzoglu, Mutlu Ozşîmşek, Alî Baskin, Huseyîn Para, Cansere Dayanîr, Serhat Yaman, Recep Koltuk, Ulaş Can Taylan Arguç, Bariş Bozkurt, Huseyîn Emun, Recep Korluk, Berk Alici, Selahattîn Burnaz, Bulent Sunar, Esat Kaya û Yalçin Emun.

19 ciwanê ke îfadeyê înan ameyî girewtene badê kontrolê weşîye ameyî veradayene.