Bajarekê Dereçîne yê Suldandagiyî yê Afyonî de vera karkeranê serrewextî hêrişo nîjadperest ame kerdene. Hêriş de 7 kesî birîndar bîyî.

Nurullah Abayo ke dezayê ci maruzê hêrişî mend Ajansê Mezopoyamya rê qisey kerd û vat: ''Karkeran ra Îsmaîl Tan û dezayê mi Alî Tan seba qesnayîşê gijikê xo şinê berberê muxtarî. Muxtar wazeno wa ê şorê dore. Ciwanî zî dore benê la her kes verê înan gêno. 2 saetî dore nêna înan. Ciwanî persenê çira dore nêna înan, ê zî vanê 'Şima terorîst ê, kurdkî qisey kenê.' û hêrişê ciwananê ma kenê. Ciwanan ra Îsmaîl Tanî pê wesayîtî benê daristan, danê piro û pê kamera dîmenanê ci gênê. Ez nika musaya ke destê Tanî şikîyayo. Alî Tan zî destê înan ra remeno. Dima ke agahîye dîyaye keyeyî û keye ameyo serebût beno pîlêr. uca de 2ê ci cinîyî 7 kesî birîndar benê. Rewşa birîndaran krîtîk a.''

Abayî eşkera kerd ke hêriş qestî ra ame kerdene, çunke ê kurd ê. Abayî da zanayene ke 3-4 rojî yo înan rê 'terorîst' vajîyayêne.

Wekîla HDPyî ya Riha Ayşe Surucu zî serebût hesabê xo yê medyaya dîjîtale ra vila kerd û pare kerd ke sebebo esas ê nê hêrişî ziwanê îqtîdarî û polîtîkayê ci yê.