Roja yewşemeyî kayê mabênê Bursaspor-Amedsporî de kaykerdoxê Amedpsorî raştê hêrişê nîjadperestî yê paştgêranê Bursasporî ameyî. Aktîvîstanê Partîzanî bajarê Zurihî yê Swîsre de verê Yewîya Federesyonanê Futbulî yê Mîyanneteweyî (FÎFA) de semedê paştdayîşê Amedsporî çalakîye kerde.

Aktîvîstanê Partîzanî pankarto ke serê ci de tirkî û almankî ''Amedspro têna nîyo'' nuştebi daliqna û eşkerayîya ke weşena de nê vatî:

''Amedspor wextê ronayîşê xo ra raştê hêrişanê nîjadeperstan yeno. Na netîceya polîtîkaya qirerkere ya dewleta tirk a faşîst a ke vera kurdan yena rayraberdene. Kulubê sporî yê nîjadperestî pîya bi wezîfedaranê dewlete hêriş kerd ke rojdemê welatî bibedilnê. Wa hêrişkarî bizanê ke to înan rê zî 'Silamê Kemalê Lazî' bêrê.

Federasyonê Futbulî yê Tirkîya seba ke paştgêranê Beşîktaşî semedê mexdûranê erdlerzî pêkaykerdoxî eştê saha, caza daye la destûr da ke madeyê tehlukeyê ke vera Amedsporî şuxulyayî debikewê saha. Eynî wextî de ma Yewîya Federasyonanê Futbolî yê Mîyanneteweyî (FÎFA) pratîkê Katarî de mojna ke ê çîyanê winayênan rê çimanê xo genê. FÎFAya ke  Katar de heme çîyê vera nîjadperestîye qedexe kerd, vera hêrişê vera Amedsporî zî bêveng a.''

Amedspor têna nîyo!

Şarê kurdî têna nîyo!

Bijî Berxwedana Amedspor!''