Parlamentera Partîya Demokrasîyî û Têdûştîye ya Şaran (DEM Partî) ya Dêrsimî Aytene Kordu pîya bi endamanê Platformê Dormeyî yê Melete qezaya Licikî ya Erzînganî de eşkerayîye daye ke tîya 13ê sibate de madenê zerdî de hezaz qewimîyabi

Aytene Kordu destpêke qiseykerdişê xo de seba ke dekewtişê qeza ame qedexekerdene hêrsê xo ard ziwan û vat: ''Tîya xoza yena qirkerdene.Tîya sucêk ameyo kerdene û no sucê îqtîdarî yo. Ça beno wa bibo ganî heme welat de madenê sîyanurî bêrê qefilnayene. Nê madenî zirar danê weşîya şarî û komelî. Wextê dergî de verê felaketanê girdan akenê. Ewro Anagol de felaketêk qewimîya. Rêxistine eleqedarî vanê no maden verê senî texrîbatê pîlî akeno. Ma zî wazenê ke wa maden bêro qefilnayene. Seba ke tedbîrê ke hewce kenê nêameyî girewtene no felaket qewimîya. Ma do vera nê têkoşîn bikerê. Ganî heme gurenayîşê madenî yê ke zirar danê weşîya ma û xoza bêrê qefilnayene.''