Endamê Komîteya Merkezî ya PKKyî Cemal Şerîkî derheqê şehîdanê menga hezîrane de ANFyî rê qisey kerd. Qiseykerdişê Şerîkî ra beşêk wina yo:

''Roja yewine ya hezîrane serrgêra şehadetê Huseyîn Cevahîr o ke kurdîstanij bi û rayberanê têgêrayîşê şorişgêrî yê Tirkîya ra yew bi. Cevahîr û Mahîr Çayan pîya 1971 de netîceya sûîkastê polîsan de kişîyayî. Cevahîr dêrsimij bi û mîrasê ci ganî bêro pawitene.

Hezîrane de xoverdayîşê pîlî ameyî kerdene. Xoverdayîşo pîl ê karkeran ê 15-16ê hezîrane naye mojneno. Reyna Xoverdayîşê Gezî esto ke tede komunê Îstanbulî awan bibi. AKPyî hêrişê Gezî kerdbi . Demokrat, şorişgêr, kokim, ciwanî, dîndarî ûsn xeylêk merdimî tewrê Xoverdayîşê Gezî bibî.

Mîyanê şert û mercanê nikayênan de teda û zorbazîye dewam kenê. Merdimî vanê nêeşkenê nefes bigêrê û nefesnêgirewtiş yeno manaya ameyîşê mergî. Rewşa welatî visîyabî ê halî. Nika Tirkîya sey Gezî hewceyê xoverdayîşêkê winasên ê.

17ê hezîrana 1998î de Sema Yuce şehîd bîye. Aye menga adare de verê xo dabi Rayber Apoyî û netîceya çalakîya 17ê hezîrane de şehîd bîye. Şehadetê aye zaf çi musnayî ma. O çax Rayber Apo bibi hedefê dişmenî. Komployo ke o çax dest pêkerdbi nika bi giranî dewam keno. Ganî pê ruhê Sema Yuce ma dormeyê Rayberîye de bêrê pêser.

Roja peyêne ya hezîrane roja şehadetî ya Zîlane ya. Aye pê çalakîya xo tarîxêko newe nuşt. Embaze Zîlane 30ê hezîrana 1996î de şehîd bîye. A serre zî sey nika serra çetebîyayîş û mafyabîyayîşê dewleta tirke bîye. Gerîlayan vera ney şer kerdêne. Embaze Zîlane mîyanê nê şertan de çalakîyêka pîle kerde.

1996 de xîret ameyêne kerdene ke komployê vera Rayberîye biresê astêka newîye. 6ê gulane de nêzdîyê Rayberîye de bomba ameye teqnayene. Embaze Zîlane pê çalakîya xo cewabê nê hêrişî da. Nika zî ganî xeta Zîlane ser o vera tedayanê serê Rayberîye têkoşîn bêro kerdene.''

Celal Şerîkî peynîya qiseykerdişê xo le pêro şehîdê hezîrane yad kerdî.