Delegasyonê Vera Tecrîdî yê Mîyanneteweyî yo ke 7 welatan ra 36 huqûqnas, rojnameger û akademîsyenî tede ca genê,  Amed, Îstanbul û  Anqara de derheqê tecrîdê serê Rayberê Şarê Kurdî Abdullah Ocalanî û tepişteyanê bînan Îmraliyî de hîrê rojî pêvînayîş kerdî û dima ra Taksîmê Îstanbulî de Forumê Vera Tecrîdî yê Mîyanneteweyî viraşt. Vervatox û hemserekê HDK, KCD, DBP, HDP û OHDyî tewrê forumî bîyî.

Delegasyonî badê forumî deklarasyono hempar eşkera kerd. Deklarasyono ke hetê avûkatanê Buroyê Huqûqî yê Asrinî Razîye Ozturkî ra ame eşkerakerdene de nê tespîtî ameyî kerdene.

*  Caardişê Îmraliyî tecrîdî ra wetêr ameyî nûqtaya bêresnayîşê qetî yê. Na têna meseleya huqûqî nê meseleyêka polîtîk a.

 * Têna Birêz Abdullah Ocalan û tepişteyê sîyasîyî binê tecrîdî de nîyê, heme muxalefeto komelkî binê tecrîdî de yo. Têna pê têkoşînê komelkî yê zafhetinî, nê tecrîdî ra yeno xelisnayene.

* Dewlete Ewropa goreyê mefeatê xo pêkerdişanê heqanê merdiman nêvînayîşan ra yenê ke no nîno qebulkerdene. Vera nê ganî torrêka rêxistikerdîye ya mîyanneteweyî têkoşînê heq û huqûqî vila bikero.

* Ma reyna veng danê berpirsîyaranê Tirkîya ke wa lezabez Îmrali de huqûq bêro caardene. Ma berpirsîyarîya dewletanê Ewropa fînenê vîrê înan ke wa heqanê merdiman ê bingeyînan qûrbanê menfeatê xo mekerî.

* Heta ke tecrîd mero wedatirene meseleya kurdan û problemê bînê ke pabesteyê ci yê nînê çareserkerdene.

*Rejîmê înfazî ke Îmrali de dest pêkerd û pede pede zîndananê bînan ra vila bi, ganî cade bêro vindarnayene.

* Meseleya kurdan bîya meseleya Rojhelatê Mîyanênî û dinya. Coka ganî goreyê averşîyayîşanê Rojhelatê Mîyanênî û dinya çarekerdişê ci bêro rojdemkerdene.

*Ma reyna veng danê CPTyî ke wa berpirsîyarîya xo bîyarê ca. Sere de dostê ma yê Ewropa wa heme pawitoxê heqanê merdiman û huqûqî wa şirê CPTyî ser ke wa wezîfeyê xo bîyaro ca.

* Forumê ma yê ewro kombîyayîşê semedê tezekerdişê vîrî û xo dir têrîameyîşî bi. Goreyê nê ma do torra xo yê paştdayîş û têkoşînî xurtêr bikerê.

* Çareyê heme probleman çarekerdişê  demokratîk û komelkî yê meseleya kurdan ra ravêreno. Semedê çareserkerdişê meseleya kurdan û demokratîkbîyayîşê Tirkîya ganî Abdullah Ocalan bibo azad.