Delegasyonê Vera Tecrîdî yê Mîyanneteweyî yo ke 7 welatan ra 36 huqûqnas, rojnameger û akademîsyenî tede ca genê, seba ke derheqê tecrîdê serê Rayberê Şarê Kurdî Abdullah Ocalanî de pêvînayîşan bikero, Tirkîya de yo.

Endamê Delegasyonî Îstanbul de Partîya Sostalîste ya Bindestan (ESP), Partîya Keskan û Ameyoxê Çepî, Paltformê Paştdayîşî yê Sosyalîstî (SODAP), Partîya Kede (EMEP) û Partîya Şorişgêre de do pêvînayîşî bikerê.

Endamanê Delegasyonî verî ESP zîyaret kerd. Hemsereka ESPyî Ozleme Gumuştaş û Endamanê Meclîsê Partîye Ezgî Gurbuz û Merale Tatar Delegasyonê Vera Tecrîdî pêşwazî kerd. Pêvînayîş de tecrîdê Îmraliyî, binpaykerdişê heqanê tepişteyan, prosesê sîyasî û dewaya qefilnayîşê HDPyî bîyî rojdem.

Endamê Delegasyonê Vera Tecrîdî dima do Partîya Keskan zîyaret bikerê.