Hemserekê Partîya Kesk Çepî yê Wanî Gonule Uzunay û Veysî Dîlekçîyî vat şar paştîdayîşêko gird dano înan.

Partîya Kesk Çep 48 bajaran de rêxistinê xo temam kerdî. Merkez û qezayê Wanî zî înan ra yew o. Hemserekê Partîya Kesk Çep Gonule Uzunnay û Veysî Dîlekçîyî derheqê karê xo de ANFyî rê qisey kerd.

Hemsereke Uzunay ard ziwan ke partîya înan bi mîsyonêkê ekolojîst, azadîpawitox, seyyewbînî û paştîdayox dest bi têkoşînî kerdo û vat, ‘‘Ma 11 serrî karê xo binê sîwana HDK û HDPyî de kerd. Ma rêxistinê xo nê çarçewayî de viraştî. Ma 48 bajaran ra rêxistinê xo kerdî û ma karê xo her waran ra xurtêr kenê.’’

Hemserek Veysî Dîlekçîyî zî dîyar kerd ke eleqeya şarî partîya înan rê est o û vat, ‘‘Eleqeyêko xeylî xurt est o û xeylê muracatî yenê kerdene. No moral dano ma. Ma do nê prosesî de do hîna xurt bivejîyê meydan’’