Serekê Odaya Muhendisenê Înşaatî ya Wanî (ÎMO) Firat Durmazî derheqê erdlerzî de ANFyî rê qisey kerd.

Firat Durmazî vat: ''Erdlerzanê 2011î yê Wanî de nizdê hezar kesan dinyaya xo bedilnaye. Nê erdlerzî ra qet dersêk nêameyî girewtene. Tewr peynî erdlerzê Elbakî de dewanê sînorî de 30 kesan dinyaya xo bedilnaye. 11 hezar bînayanê ke erdlerzê 2011î de xesaro pîl dî û zafê înan yenê şuxulnayene, hema zî nêrijîyayî. No zî mojneno ke Wan semedê erdlerzî neweyî hazir nîyo. Haştîya îmarî zî nê rîskî girdêr keno.  Eke erdlerzêk bibo, no semedê ma tehlukeyo gird o. Xora îxmalkerdiş erdlerzan açarneno felakete. Gerek vera erdlerzî tedbîrî bêrê girewtene. Eke her kes eşkeno bibo mutahîd, bêzehmet eşkeno belgeyê mutahîdîye bîgêro, o wext badê rijyayîşê bîna û mergî çew nêeşkeno mutahîdî sûcdar bikero. Gerek selahîyet û mevzûatê mutahîdîye miheqeq bibedilîyo.''