Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde verê Edlîyeya Riha de 140 rojî yo nobeta edaletî de ya.ç 

Dayîke Emîne Şenyaşar pare kerd ke 140 rojî yo aye tewir bi tewir neheqîye dîye û da zanayene ke polîsî tim aye teqîb kenê. Emîne Şenyaşar vat: ''Heta ke lajê mi vera nêdîyo ez tîya ra nêwurzena. Înan keyeyê mi ra 3 kesî qetil kerdî, lajê mi zî eşt zîndanî. La kiştoxê lajanê mi teber de yê. Ez wazena wa lajê mi bêro veradayene. Verî ke bimira ez lajê xo bivîna. Ma zî seke merde yê. Eke wijdanê înan esto lajê mi vera danê.'' 

Keyeyî twitterî ra zî no mesaj vila kerd: ''Dadîya 65 serre ra pîlêre 140 rojî yo verê Edlîyeya Riha de binê germê bi derceya 45î de pabeya edaletî ya. Ya edalet yan zî merg mi tîya ra berz keno. Serdozger her roje pê wesayîtê xo yê luksî verê mi ra derbaz beno şino odaya xo.''