Swîsre de Rayraşîyayîşo Derg ê Enternasyonalîstan ke seba azadîya Rayberê Şarê Kurdî Abdullah Ocalanî dîyabi destpêkerdene, roja 3ine de bajarê Bernî de dest pêkerd.

Verê ke rayraşîyayîş dest pêbikero, enternasyonalîstan seba vîrardena qurbananê erdlerzî deqayêk rêz girewt. Dima zî eşkerayîye ame dayene û seba qurbananê erdlerzê Kurdîstanî serweşîye ameye waştene.

Eşkerayîye de ame dîyar kerdene ke bi hezaran însanî hema binê xirbanê awanîyan de yê û hetkarîya ke yena kerdene, hetê polîs û dewlete ra yena astengkerdene.

Eşkerayîye de ame vatene, ‘‘Ma venga şorişger û demokratanê her çar hetê dinya danê ke wa paşdayîş bikerê.’’

Rayraşîyayoxî do ewro 25 kmyî rayra şêrê û biresê bajarê Bûrgdorfî.