Semedê azadîya Rayberê Şarê Kurdî Abdullah Ocalanîs sere de  Almanya, Fransa, Îspanya, Portekîz, Swîsre, Îngîlîstan xeylêk welatanê cîya cîyayan ra 150î ra zafêr akvîstê entenasyonalîstî 6ê sibate de, bajarê Cenevere yê Swîsre de do Rayraşîyayîşê Dergî bidê destpêkerdene.

Endama Komîteya Amadekerdişî yê Rayraşîyayîşê Dergî  yê Enternasyonalîstan û Merkezê Jîneolojî Nora Marrinoya ke ajansê ma rê qisey kerd vat: ''Ma sey enternasyonalîstan 7 serrî yo rayraşîyayîşanê dergan organîze kenê.  Ma wazenê Têgêkoşînê Azadîye yê Kurdan bidê naskerdene û paştî bidê şarê kurdî. Rayber Apo binê tecrîdê giranî de yo û ma pê têkoşînî wazenê ey azad bikerê. Ma serrgêra Pêkerdişê Lozanî de rayraşîyayîşî Swîsre de rayra şinê. Ma nê pêkeridşî nas nêkenê, goreyê ma Kurdîstan yew parçe ya. Ma pîya bi tecrîdê serê Rayber Apoyî Pêkerdişê Lozanî şermezar kenê.Ma do 5ê sibate de Cenevre de semedê Abdullah Ocalanî konferansêk bikerê û roja bîne rayraşîyayîş bidê destpêkerdene.''