Wekîlîya Omer Faruk Gergerlîogluyo HDPyîjî ke ameybî xespkerdene  bado ke qerarê peyserdayîşê ci  Meclîs de ame wendene, wekîlya ci newe ra ameye îadekerdene.

Wekîlê HDPyî yê Kocaelî Omer Faruk Gergerlîogluyo ke rîyê parekerdişêkê Twîtterî ra amebi tepiştene, bado ke Mehkemeya Qanûnê Bingeyênî qerarê serbetveradyîşê ci da 6ê temmuze de Zîndanê Sîncanî ra amebi tehlîyekerdene. 

Ewro bado ke qerarê peyserdayîşê wekîlîya ci Meclîs de ame wendene,  wekîlya ci newe ra ameye îadekerdene.  Gergerlîogluyo ANFyî rê qisey kerd vat: ''Ma pîya bi şarî xover da û ser kewtî.''

Gergerlîoglu  badê wendişê qerarî şi Heyetê Pêroyî yê Meclîsî û tîya qisey kerd. Gergerlîogluyî vat: ''Mi semedê şarê xo û demokrasîyî tîya xover da. Parîya mi, şarî xover da û peynî de pê hêzê şar û demokrasîyî ez reya diyîne ameya. Ez şarê xo rê spas kena. Werekna ê bivindetêne qerarê Mehkemeya Qanûnê Bingeyênî. Werekna Serekîya Meclîsî despanêdaşîyê wekîlîya mi esas bigirewtêne û 3 mengî binventêne. Bîlasebeb ez wekîlîye ra nêameyêne eştene û zerrîya şarî zî nêşikîyayêne. Ez şarê xo zaf spas kena. Semedê nê qerarê heqdarî Mehkemeya Qanûnê Bingehênî rê spas kena. Ez reyna agêraya. Mi nobeta edaletî bilasebeb nêtepişte. Mi zanayêne ke ez heqdar û paşta mi şarê ma ra pêt bî. Ez heqdar zî vejîyaya. Peynî de ma reyna ameyî tîya. No serekwtişê şarî, sekewtişê demokrasîyî Mehkemeya Qanûnê Bingeyên o. Ez hêvî kena çîyê winayên reyna nêqewimîyê. Ewro îradeyê şarî vera neheqîye ser kewt. Ewro roja serkewtişê şarî ya.''