Goruroglu: Keda min a 40 serran deqayêkî de vindî bîye
Citkaro ke nameyê ey Mehmet Goruroglu yo, Guzelbûrça Antakya de ciwîyeno û keyeyê ey xesar girewt û erdê ey parçe bî vat, ‘‘Keda min a 40 serran deqayêkî de vindî bîye’’
Erdlerzî ra dima taxa Guzelbûrça Antakya de keyeyê Mehmet Goruroglu xesar girewt û erdê ey zî parçe bî. Goruroglu ANFyî rê qisey kerd.
Gorurogluyî dîyar kerd ke demê erdlerzî de haya bîyo û vat, ‘‘Mi do nimaj bikerdêne, mi awe daybî sobeyî ver, nêke mi do nêzanayêne do se bibîyêne. Mo zor xo eşt teber û wexto ke ma vejîyayê teber mi dî ke herre şeqaya. Sey kabûsêkî bî. Bi rojan ne AFAD ne zî kesêkê bînî ameyê hawarê ma. Ma ereba de rakewtêne’’
Goruroglu da zanayêne ke erdê ey xeta fatî ser o bî û vat, ‘‘Ma marûl ronaybî. La nika ma nêeşkenê erdê xo ra çîyêkî biçînê. Keda min a 40 serran rojêkî de vindî bî. Seba ke ma nê keyeyî bivirazê ma 30 serrî xebitîyayê. Erdlerzî ra 2 hewteyî dima ma eşkîyayê çadirêke peyda bikerê. Cayêk çin o ke ma şêrê. Ma bimirê zî ma tîya ra nêşinê. Hêzê ma çin o ke ma reyna tîya awan bikerê. Ma dewlete ra hetkarî wazenê.’’
