Komîteya Rayberdişî ya Têgêrayîşê Şorişî yê Yewbîyayeyî yê Şaran (HBDH) pê wesîleya serrgêra Xoverdayîşê 14ê Temmuze eşkerayîyêke daye.

Eşkerayîye de ame vatene ke hîşmendîya Darbeya 12ê Êlule xîret kerd ke zîndananê Metrîs, Mamak û Amedî de îradeyê şorişgêran teslîm bigêra û Kurdîstanê azadî bifatisna. HBDHyî ard ziwan ke reya verêne Mazlûm Doganî adir vist ta dima zî Ferhat Kûrtay, Necmî Oner, Mahmût Zengîn, Eşref Anyikî adir kerd pîlêr.

HBDHyî vat: ''Xoverdayîşê Rojeyê Mergî yê Pîlî herikîyayîşê awe vurna. Ê prosesî de ke kurdî maruzê hêrişan ê giranan mendêne şorişgêranê tepişteyan pê xoverdayîşê xo rejîmo faşîst mehkum kerd. ê çaxî ra nata tedaya vera kurdan nêqedîyaye. Ruhê xoverdayîşê 14ê Temmuze reda koyanê Kurdîstanî. Her wextî ra zêdêr ganî ma bibê sey fermandar Kemal Pîrî, karoyê rayberî M. Hayrî Durmuş, şerwanê rayberî Akîf û Alî. Roje roja wayîrvejîyayîşê ruhê 14ê Temmuze ya.''