Heyetê Rayberdişî yê HDPyî pê eşkerayîyêka nuştekîye serrgêra 9. ya Şorişê Rojawanî selam kerde.

Eşkerayîye de ame vatene ke 19ê temmuza 2012î de şarê Rojawanî û şaranê Vakurê Sûrîye vera barbarî û tarîtîya cîhadîstan û rejîmê Esadî modelêko newe yê têdûştîye na ro. HDPyî da zanayene ke Şorişê Rojawanî sere de kurdan pêro şaranê herême rê bi hêvîya ameyoxê neweyî. HDPyî ard ziwan ke semedo ke Şorişê Rojawanî karakterê xo yê şorişgêrî ra semed beno hedefê cîhadîstan, rejîmê Erdoganî, rejîmê Esadî û hemkaranê îşxalkeran.

HDPyî vat: ''Efrîn, Serêkanîyê û Girê Sipî hetê hemkarîya cîhadîstan, hêzanê emperyalîstan û rejîmê Erdoganî ra ameyî îşxalkerdene. Netîceya nê îşxalî de bi hezaran kesî ameyî qetilkerdene, bi se hezaran merdimî neçare mendî ke koç bikerê û zerarêko pîl dîya xoza û çimeyanê herême. Serrgêra 9. de ma Şorişê Rojawanî selam kenê. No şoriş bi hêvîya şaran û cuya hempare afernaye. Pawitiş, averberdiş û tacîdarkerdişê nê şorişî wezîfeyê pêro merdimîye yo. Şorişê Rojawanî îlhamê şorişanê Rojhelatê Mîyanênî yo. Ma sey HDPyî veng danê ke Şorişê Rojawanî bipawê, wayîrê ci vejîyê û nê şorişî mende bikerê.''