Merkezê Çapemenîye yê Îdareyê Xoserî da zanayene ke Hemsereka Heyetê Rayberdişî yê Meclîsê Sûrîyeya Demokratîke (MSD) Îlhame Ehmed, Hemsereka Meclîsê Rayberdişî yê Îdareyê Xoserî yê Rojawanî Bêrîvane Xalid û Hemserekê Meclîsê Rayberdişî yê Îdareyê Sivîlî yê Dêra Zorê Xesan El Yûsif Serekkomarê Fransa Emmanuel Macronî reyde roniştî.

Goreyê eşkerayîya Merkezê Çapemenîye pêvînayîş de rewşa sîyasî ya herême, krîzê Sûrîye, çareserîye ameyî ercnayene. Pêvînayîş de derheqê Îdareyê Rojawanî û modelê îdareyê demokratîkî de nîqaşî ameyî kerdene û ambargoyê vera Rojawanî ame ercnayene.

Heyetî derheqê têkoşînê vera DAÎŞî de agahîyî dayî Macron û da zanayene ke qefilnayîşê beranê sînorî bi hawayêkê xirabî tesîrê herême keno.