Heyetêk bi nameyê Rojawan û Kobanê yê Vakur û Rojhelatê Sûrîyeyî, bi dawetkerdişê EmdenLeerî ameyê Almanya û bi wezîfedaranê unîversîteyanê EmdenLerî, Alice Salomon û unîversîteya Bremenî reyde pêvînanîşî kerdî.

Endama heyetî û musnayoxa beşê Jinolojî yê Unîversîteya Kobanê Dîjle Haîdar ANFyî rê qisey kerd û vat, ‘‘Nê kombîyayîşan de babetê muhîmî est bîyê. Ma giranîye daye babeta jinolojî û rayberîya Vakur û Rojhelatê Sûrîye ser o. Gama dîyine de zî ma unîversîteyanê Vakur û Rojawanê Sûrîye dayî naskerdene. Ma waşt, demê ameyoxî de ma nê unîversîteyan reyde têkilîya unîversîteya doste bidê ronayene. Ê zî kapsîteyanê unîversîteyanê ma, mufredatanê ma persayê. Rayîr û metodan ser o ma qisey kerd.’’

Dîjle da zanayene ke kombîyayîşo dîyin Unîversîteya Bremenî de ameyo kerdene û ard vîrardene ke unîversîteyanê Bremen û Rojawanî pîya tay semînerî kerdêne. Dîjle dîyar kerd ke tîya de zî behsê jinolojî û unversîte kerda û zor zehmetîyanê ameyoxî ser o qisey kerdî. Dîjle ard ziwan ke tîya de zî kombîyayîş bi eyînî vîyart û bawer kenê ke demê ameyoxî de do bi hewayêko resmî têkilîyî bêrê ronayene.

Dîjle munaqeşeyê Ewropa ê Jinolojî ser o vat, ‘‘Mabênê unîversîteya Emden û yê Rojawanî de karanê jinolojî de dostanîyêk est a. Ameyîşê ma yê tîyayî seba newekerdişê dostanîya ma bîye. Wendekarê her di unîversîteyan pîya semîneran virazenê. Heta ke ma tîya der ê, ma wazenê şêrê heme unîversîteyan. Ma wazenê tecrûbeyanê xo unîversîteyanê bînan reyde pare bikerê. Bi nê hêvîyî ma têwgêrenê.’’